தமிழ் சினிமா உலகில் நடிகர் தனுஷின் அரசியல் பிரவேசம் குறித்த பேச்சுகள் தற்போது சமூக வலைதளங்களிலும் ஊடகங்களிலும் பெரிதும் விவாதிக்கப்பட்டு வருகின்றன. விஜய்யை போலவே தனுசும் தனது ரசிகர் மன்றங்களை அரசியல் கட்சியாக மாற்ற திட்டமிட்டுள்ளதாகவும், இதன் பின்னணியில் பாஜக போன்ற கட்சிகள் இருப்பதாகவும் பல்வேறு தகவல்கள் பரவி வருகின்றன.
ஆனால், திரைத்துறையை சேர்ந்த பலரும் இது உண்மைக்கு புறம்பான தகவல் என்று திட்டவட்டமாக மறுக்கின்றனர். விஜய்க்கு இருப்பது போன்ற பரந்த மக்கள் செல்வாக்கும், மாபெரும் ரசிகர் பட்டாளமும் தனக்கு இல்லை என்பதை தனுஷ் மிக தெளிவாக உணர்ந்துள்ளார் என்றும், பொதுமக்கள் தன்னை ஒரு அரசியல் தலைவராக ஒருபோதும் ஏற்றுக்கொள்ள மாட்டார்கள் என்பது அவருக்கு நன்கு தெரியும் என்றும் அவர்கள் கூறுகின்றனர்.
விஜய் தனது திரைப்படங்கள் வாயிலாகவும் மக்கள் சந்திப்புகள் மூலமாகவும் பல ஆண்டுகளாக தனது அரசியல் தளத்தை மெல்ல மெல்ல உறுதியாக உருவாக்கி வந்ததை நாம் கவனிக்க வேண்டும். ஆனால், தனுஷ் இதுவரை தான் நடித்துள்ள படங்களில் எந்தவிதமான நேரடி அரசியல் கருத்துக்களையும் பேசியது கிடையாது. திடீரென்று ஒருவரை மக்கள் அரசியல் தலைவராக எப்படி ஏற்றுக்கொள்வார்கள் என்ற கேள்வி இங்கு எழுகிறது.
பிறகு ஏன் தனுஷ் அரசியலுக்கு வரப்போவது போன்ற ஒரு மாயையை உருவாக்குகிறார் என்ற கேள்விக்கு திரை உலகினர் வேறுவிதமான பதிலை கூறுகின்றனர். சமீப காலமாக தனுஷ் நடித்து வெளிவந்த திரைப்படங்கள் எதுவும் பாக்ஸ் ஆபிஸில் பெரிய அளவில் வெற்றி பெறவில்லை தொடர் தோல்விகளை சந்தித்து வருகிறது. இந்த சரிவிலிருந்து தப்ப இது ஒரு தந்திரமான வழிகளாக பார்க்கப்படுகிறது.
அரசியல் பிரவேசம் குறித்த வதந்திகளை வேண்டுமென்றே பரப்பினால், அது அனைத்து ஊடகங்களிலும் தலைப்பு செய்தியாக மாறுவதோடு, தன் மீதான கவனத்தை எப்போதுமே வெளிச்சத்தில் வைத்திருக்க முடியும். இதன் மூலம் சினிமாவில் தனக்கான மார்க்கெட்டை தக்கவைத்துக்கொண்டு, வரவிருக்கும் தனது படங்களை எளிதில் வெற்றி பெற செய்யலாம் என்பதே இதன் பின்னணியில் உள்ள தந்திரமான திட்டமாகும்.
எனவே, தனுஷின் நோக்கம் முதலமைச்சர் நாற்காலியை கைப்பற்றுவதோ அல்லது முழுமையான அரசியல் மாற்றத்தை கொண்டுவருவதோ அல்ல. இது முற்றிலும் தனது சினிமா பயணத்திற்கு தேவையான விளம்பரத்தை தேடிக்கொள்ளும் ஒரு தற்காலிக உத்தி மட்டுமே என்பதால், அவர் அரசியலுக்கு வருவதற்கான வாய்ப்புகள் கொஞ்சமும் இல்லை என்றே திரைத்துறை பிரபலங்கள் அடித்துக் கூறுகின்றனர்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
