Connect with us

மழையால் இந்தியா – வெஸ்ட் இண்டீஸ் முதல் ஒருநாள் போட்டி ரத்து… !

விளையாட்டு

மழையால் இந்தியா – வெஸ்ட் இண்டீஸ் முதல் ஒருநாள் போட்டி ரத்து… !

கரீபிய தீவுக்கு சுற்றுப்பயணம் சென்றுள்ள இந்திய கிரிக்கெட் அணி, முதலில், 3 டி-20 போட்டிகள் கொண்ட தொடரில் பங்கேற்றது. இதில் இந்திய அணி மூன்று போட்டியிலும் வெற்றி பெற்று, தொடரை 3-0 என முழுமையாக கைப்பற்றியது. 


இரு அணிகள் மோதிய முதல் ஒருநாள் போட்டி, கயனாவில் நடந்தது. இந்நிலையில் போட்டி துவங்கும் முன் கன்மழை பெய்த காரணத்தால் ‘டாஸ்’ போடுவதில் தாமதம் ஏற்பட்டது. தொடர்ந்து மழை நின்ற பின் ‘டாஸ்’ வென்ற இந்திய கேப்டன் விராட் கோலி, முதலில் ‘பீல்டிங்’ தேர்வு செய்தார். 

மழையால் இந்தியா - வெஸ்ட் இண்டீஸ் முதல் ஒருநாள் போட்டி ரத்து... !


இதையடுத்து போட்டி 43 ஓவர்களாக குறைக்கப்பட்டு, நடத்தப்பட்டது. இந்நிலையில் வெஸ்ட் இண்டீஸ் அணி 5.4 ஓவரில் விக்கெட் இழப்பின்றி 9 ரன்கள் எடுத்த போது மீண்டும் மழை குறுக்கிட்டதால், போட்டி நடப்பதில் தாமதம் ஏற்பட்டது. 


தொடர்ந்து மழைநின்ற பின் போட்டி 34 ஓவர்களாக குறைக்கப்பட்டது. ஆனால் வெஸ்ட் இண்டீஸ் அணி 13 ஓவரில் 1 விக்கெட்டுக்கு 54 ரன்கள் எடுத்த போது மீண்டும் மழை பெய்தது. தொடர்ந்து கனமழை நீடிக்க, போட்டி கைவிடப்படுவதாக அறிவிக்கப்பட்டது. 

இந்நிலையில் இரு அணிகள் மோதும் இரண்டாவது ஒருநாள் போட்டி, வரும் 11ம் தேதி டிரினிடாட்டில் நடக்கிறது.

Continue Reading

அதிகம் படித்தவை

To Top