Connect with us

அறியாமை – தேவாரப்பாடலும், விளக்கமும்

ஆன்மீகம்

அறியாமை – தேவாரப்பாடலும், விளக்கமும்

பாடல்

ஏற்றார்புரம் மூன்றும்மெரி 
யுண்ணச்சிலை தொட்டாய்
தேற்றாதன சொல்லித்திரி 
வேனோசெக்கர் வான்நீர்
ஏற்றாய்பெண்ணைத் தென்பால்வெண்ணெய் 
நல்லூரருட் டுறையுள்
ஆற்றாய்உனக் காளாய்இனி 
அல்லேன்என லாமே

விளக்கம்

பெண்ணையாற்றின் தென்பால் உள்ள திரு வெண்ணெய்நல்லூரின்கண்ணதாகிய அருட்டுறைத் திருக் கோயிலின் கண் எழுந்தருளியிருக்கும் நன்னெறியானவனே, நீ உனக்குப் பகையாய் எதிர்ந்தவர்களது அரண்கள் மூன்றையும் தீ உண்ணும்படி, போர் செய்து அழித்தாய். சிவந்த சடையிடத்து ஆகாய கங்கையைத் தாங்கினாய். அப்பெருமைகளை அறியாமை காரணமாகத் தோன்றும் சொற்களைச் சொல்லி நான் வீணே உழல்வேனோ! அங்ஙனம் உழலும் நெறியானே, முன்பு உனக்கு அடியவனாயதற்கு மாறாக இப்பொழுது, `அடியவன் அல்லேன்` என எதிர்வழக்குப் பேசியது பொருந்துமோ!

Continue Reading

அதிகம் படித்தவை

To Top